市民轟杯水車薪 未紓長途車負擔

東涌居民：儲錢艱難

廿五歲的曾東華從事藥廠品質檢查工作，月入約一萬四千元，家住東涌逸東邨，每天乘巴士到東涌站，再轉港鐵到元朗朗屏上班，車程一個多小時。雖然他買了港鐵的「東涌—南昌」全月通加強版，但每月交通開支仍接近一千元，坦言負擔頗大，「我好慳家，每個月都儲四千至五千蚊，打算有朝一日可以買樓，坐車要成千蚊，令我儲少好多錢！」

曾東華稱，東涌區內職位選擇不多，以服務業為主，但他想從事科研背景工作，「我哋呢啲年輕人，無可避免要跨區工作，（工作地點）近啲嘅人每月交通費都七百、八百蚊，遠嘅一個月過千。」新計劃下，他每月約可獲一百五十元補貼，批評補貼額杯水車薪，「成二百萬人受惠，補貼自然唔多，但係咪可以幫到跨區工作的人？依家人人受惠，好似毫無目的咁派錢。」

上水居民：可以接受

任職強積金顧問的鄧先生要由上水坐港鐵到尖沙咀上班，加上需出去見客，每月車費近一千四百元，料可獲二百五十元補貼。他稱，交通開支佔月薪約百分之五，加上要養家，負擔沉重，「食個快餐店午餐都係廿幾蚊，午餐可以唔食，但車費冇得慳，少一毫子都買唔到車飛。」他滿意政府以公帑補貼市民車費，認為補貼水平可以接受。