政情：今日你上鏡：黃傑龍自授「銀紫色勳章」

早前喺一個活動上見到稻苗學會會長黃傑龍（Simon），見佢身上戴住一個紫色勳章，閃閃發亮，唔少嘉賓經過佢身邊嘅時候，都覺得好好奇，忍唔住問吓呢個勳章係咩名堂。點知Simon笑笑口話，呢個係《哈利波特》入面好受歡迎嘅空中球類運動—魁地奇比賽中獲勝隊伍嘅獎章！童心未泯嘅佢仲開玩笑話，自己冇政府畀嘅勳章，所以之前去旅行時，特登買呢個紀念品送畀自己，仲自己改埋名叫「銀紫色勳章」喎，真係搞笑。