食署靠「卸」 商戶慘情 「每日開檔最擔心漏水」
【本報訊】黃大仙大成街街市天花漏水慘不忍睹。駿達海味老闆李先生指檔口漏水已有十多年，每日回到檔口最擔心是見到漏水，兩年前更曾因漏水導致雪櫃摩打損壞，要花上七千元維修，他曾向食環署申報，但至今仍未獲保險賠償。他又指今年三月踏入雨季，漏水情況猶如「落雨」，部門及後只加裝帆布卸水了事，「漏水幾時都困擾，希望食環署加快跟進」。
屢向部門投訴無果
泉記粉麵雜貨老闆蕭先生在大成街街市經營廿年，多次向食環署投訴天花漏水，但部門只「頭痛醫頭、腳痛醫腳」，「成個場蓉蓉爛爛，之前已試過跌石屎落嚟，商戶最擔心係整親街坊，但係部門淨係一味卸（責），（水）滲落嚟又唔理」。
另一名經營九年多的茶莊老闆指曾因漏水導致茶葉報銷，雨季漏水情況尤為嚴重，曾嘗試放置水桶及報紙盛水，食環署亦加裝帆布，雖可暫時卸水，但外觀非常失禮。
