香港快運突然喺旺季取消大量航班引起全城聲討，有工會早就質疑民航處事前已知情，炮轟當局警覺不足。民航處尋日終於認衰，承認早喺八月已得悉香港快運出問題，但對方保證無問題，當局竟然信晒，結果搞到成件事一鑊粥，連香港嘅國際聲譽都賠上。民航處喺事件中責無旁貸，中晒箭嘅處長李天柱與其諗點解釋甩身，不如盡快檢討監管係咪不足，亡羊補牢仲好啦！
