綠色先鋒：長者變導賞員 領遊舊礦場
除了植物導賞外，今次活動亦有參觀馬鞍山礦場遺址。雖然馬鞍山現時已成為住有逾廿萬人口的新城鎮，惟該處本為荒野，只因山頭蘊藏鐵礦，形成礦村。時至今日，礦場已因礦產枯竭而關閉，昔日教堂亦被活化成「鞍山探索館」，由退休長者導賞員帶隊一同尋昔探秘。
分享知識 尋昔探秘
「以前山腳恒安、耀安嗰個位係碼頭，礦工出去沙田，都要坐俗稱『嘩啦嘩啦』嘅火船仔，航程要成個幾鐘。」長者導賞員Mandy講解時氣定神閒，惟她笑指退休前任職文員，以往「連大聲啲講嘢都唔會」，現已漸漸駕輕就熟，「最開心係可以分享到知識畀人，仲可以同咁多人一齊玩。」
鞍山探索館館長Ric憶述，當初因人手不足，而萌起長者導賞員的念頭，計劃已推行了兩屆，訓練約四十人，亦會延續。他指退休人士人生經驗豐富，本身有不少故事分享，亦為活動帶來不少反饋，「好似有啲細個有自己整玩具，要整礦村兒時玩意時，一啲都難唔倒佢哋。」