市建局修改觀塘市中心重建計劃嘅方案，當中包括「鵝蛋」等計劃被消失，早前更被發現市建局繞過區議會直接向城規會申請修訂方案，即時惹起軒然大波，市建局行政總監韋志成尋日喺網誌道歉，仲話日後會向公眾同區議會多啲溝通，釋除誤會。老實講，除咗鵝蛋之外，之前波鞋街重建項目中嘅空中花園都消失咗，但市建局主席蘇慶和一粒聲都冇出過，只係由韋志成出嚟擋箭，究竟蘇慶和係咪唔敢面對公眾？唔通佢一啲責任都冇？
