近日大學校園瀰漫港獨歪風，建制及愛國愛港社團紛紛表態反對港獨。尋日港區婦聯代表聯誼會會長王惠貞出席活動時，亦趁機提出該會堅決反對港獨嘅立場，認為大學校方應加強監察，掃走校園港獨，以免「茶毒」青年。茶毒？雖然「茶」、「荼」寫法僅差一畫，但讀音差天共地，而且荼毒呢個詞語經常可以聽到，真係唔應該讀錯，希望王惠貞吸取教訓，下次就唔使搞到現場鴉雀無聲咁尷尬喇！
