港大學生會前會長馮敬恩因衝擊校委會案早前提堂後，話唔會對自己嘅案件作補充，仲強調有好多其他案件要大家擔心，包括旺角佔領區清場案等，仲有好多抗爭者需要大家關心，但之後就淆底，喺社交網站話擔心自己一旦罪成留下案底，成為中學老師夢碎，尋日上庭就認罪，兼且向校委道歉。佢嘅態度前後轉變咁大，唔通係畀反東北發展計劃同「雙學三子」等十六子被加刑判囚嚇驚？早知今日又何必當初呢！
