政情：陳美寶做運輸署長 接青嶼幹線爛攤
運輸署於八月下旬實施青嶼幹線雙向收費，爆發入機場方向嚴重塞車四小時，當時正值係運輸署副署長李萃珍署任署長之時，因此李曾就事件向公眾表示「唔好意思」，李萃珍休假後再由另一名副署長鄧偉亮頂上署任，運輸署群龍無首嘅局面終於得到解決。
要盡快跟進電子道路收費系統
事隔約一個月，政府公布財經事務及庫務局副秘書長（財經事務）陳美寶喺十月十一日出任運輸署署長。
仲記得青嶼幹線「塞死」附近一帶主要幹道後，多名立法會議員同學者都要求政府盡快研究全面落實電子道路收費系統，陳美寶上任後料無法迴避外界呢個訴求，點都要加緊跟進，對外有所交代。
資料顯示，陳美寶喺八九年七月加入政務職系，近十年曾任教育局副秘書長，財經事務及庫務局副秘書長（庫務）等。公務員事務局局長羅智光話陳美寶係資深政務官，具備出色領導及管理才能，有信心對方於新崗位為市民提供專業高效服務。