眾所周知，立法會議員容海恩（Eunice）鍾意打機，但佢打成點就冇人知。尋日佢就喺自己Facebook直播同朋友一齊打機，遊戲係經典遊戲《街頭霸王》，而Eunice所用嘅角色仲係為人熟悉嘅春麗添！
平時聽佢講打機就聽得多，唔知落場表現又如何呢？直播時見佢打機時粒聲唔出，全神貫注咁望住個屏幕，而佢兩隻手好似摩打咁起勢郁，啲姿態咁有板有眼，似乎真係冇講大話喎。去到最後，佢仲贏埋對手，對手仲講笑話佢係「香港代表」添！
Eunice仲玩埋喺酒吧入面玩開嘅投杯球（Beer Pong）添。不過唔知佢以前係咪未玩過，所以開頭玩到有啲手忙腳亂咁，但最後佢都差少少就贏，雖敗猶榮啦！
（互聯網）
