政情：吳克儉同Big Bird自拍撞樣？

教育局前局長吳克儉喺社交網站上載咗幾張同芝麻街卡通人物嘅合照，估計係自拍相嚟嘅，相中可以見到，戴住太陽眼鏡嘅吳克儉同Big Bird兩個一樣都係臉圓圓咁，真係有幾分似樣，呢啲芝麻街嘅卡通人物放喺九龍灣一個商場嘅展覽內，相信佢係去咗九龍灣行街嘞！吳克儉雖然已經唔再係問責局長，但係留言時，仲特別提到踏入新學年嘅第一個禮拜，祝學生有一個好嘅學年。睇嚟都仲幾關心教育喎。