由於營運交易未完成，導致中環摩天輪嘅去向未明，令人擔心會影響香港嘅國際形象。商務及經濟發展局局長邱騰華尋日就呼籲新舊營運商能夠以大局同整體效益出發，交接好，以免影響遊客同市民，仲話當中涉及複雜嘅合約同招標條件，發展局會跟進。話時話，海濱事務委員會喺五年前已提醒政府要考慮一旦交接唔到對摩天輪嘅影響，有委員更批評政府今次處理靈活性唔夠，依家搞到邱騰華同發展局局長黃偉綸陀陀擰，都唔知點收科？
