政府早前公布土地供應專責小組名單，天文台前台長兼鄉郊基金主席林超英已經鬧爆冇委任環保界人士，尋日佢接受電視訪問時更批評小組成員大多都有地產思維，變相意見傾側喺其中一方，又透露鄉郊基金已經向政府提交意見書，建議政府喺選擇土地開發時設立等級制度，並將受法例保護嘅郊野公園放喺最後添！林超英一向反對郁郊野公園用地，依家冇環保人士喺小組內幫手擋駕，惟有喺外面教埋小組主席黃遠輝點做，但係咪喝得住唔打郊野公園嘅主意呢？
