政情：黃浩銘獄中收信 驚扣晒人工？
正在赤柱監獄服刑嘅社民連黃浩銘喺Facebook有最新留言，指最近兩日收到一大疊支持者嘅信，但佢突然話鋒一轉，溫馨提示寄信嘅朋友麻煩畀夠郵資，否則差額要喺獄中嘅工資扣減。莫非有唔少信件都郵資不足，黃浩銘驚住最後會扣晒自己喺獄中嘅人工？
睇完小朋友來信感動到喊
黃浩銘透過親友對外傳話五點內容，談及自己最新情況，包括特別多謝一名姓周小朋友嘅來信，形容睇完信件後感動流淚，仲話會等自己出監後同佢一起食雪糕。
對於獄中生活，佢話每日都有睇書、之後睇字典、背字典同埋睇其他人嘅傳記，又預告將會喺本月中轉到一人倉，而最快喺本月十九日出庭，聽取佔旺刑事藐視法庭案判刑。