開講有話︰「密室私語，天聞如雷；暗室欺心，神目如電；善惡之報，如影隨形。」意思即係話，咪以為衰嘢收收埋埋講就冇人知，其實人在做，天在看，時辰一到，一切都報呀老友！
呢嗱，漢奸黎大宅尋日又有動靜，白鴿黨創黨主席李漢奸、前主席AV仁以及現任立法會議員林卓廷等五名「老鴿」、「乳鴿」，下晝靜雞雞同漢奸黎密會兩粒鐘有多，傾啲乜當然臭屎密冚冇人知，但如果話唔係密謀亂港大計，就講都冇人信。年前佔中搞到如火如荼，漢奸黎除咗坐鎮金鐘「私家皇座」前線親自指揮，就係孖住「搞事四人幫」匿喺大宅幕後操盤。
之不過今時唔同往日，漢奸黎反中亂港之心固然不死，但形勢比人強，淫媒生意慘淡之餘，黑金案、策動佔中等亦唔知幾時燒埋身，想搞事都有心無力。大家不妨留意番今次漢奸黎嘅入幕之賓，五個人當中，有四個曾陪同被控誤導警務人員罪名嘅白鴿黨成員林子健舉行記者會。係人都知，漢奸黎係白鴿黨嘅最大金主，白鴿黨僅餘嘅公信力一鋪清袋，形象大插水，再咁落去，漢奸黎嘅狗餅分分鐘付諸東流，想唔急call班友埋嚟照肺兼救亡都唔得。
家陣陰謀論滿天飛，一時話呢個係鬼，一時話嗰個玩嫁禍抹黑，疑幻疑真，真係信不信由你，但有一點無可否認，撩起市民對內地「強力部門」反感，高鐵「一地兩檢」橫生枝節，到其時天下大亂，正中漢奸黎及其豢養嘅反對派政客下懷。講到生安白造無中生有，漢奸黎旗下嘅壹淫媒認第二，全世界冇人敢認第一，由當年自導自演出埋錢畀陳健康召妓，到老屈上市公司產品致癌，沒有最賤格，只有更賤格。至於抹黑朝廷，淫媒更加係無所不用其極，例如現已摺埋嘅《壹本便利》，就曾經試過派記者假扮駐港解放軍問市民攞錢，會唔會有人食過翻尋味，難免令人浮想聯翩。
當然喇，漢奸黎窮途末路，又點止一處火頭吖。大家有眼見，隨着中央調整對港政策，佔中搞手相繼落鑊，包括雙學三子在內嘅參與者陸續被判刑，司法開始執番正嚟做，大網愈收愈緊之下，漢奸黎作為罪魁禍首，末日亦為期不遠，「救火五人組」中李漢奸同AV仁有法律背景，而高佬就做過廉政公署。正所謂養兵千日，用在一時，家陣主子有難，正好係義犬表忠心嘅最佳時機。
始終都係嗰句，正義只會遲到，而從不會缺席，連人稱「戴妖」嘅戴耀廷都試定囚衣準備入冊，睇怕漢奸黎都係疊埋心水，練定洗廁所好過！