政情：邵家輝：Peter唔俗氣 簡單又好記

不過，立法會批發及零售界議員邵家輝就認為英文名應簡單淺白，令到其他人更加易記得，所以由小學老師取名傳統大路嘅「Peter」後，佢就一直沿用至今。

人人都識讀 交友易混熟

Peter、Tom、Mary等係常見嘅人名，由於太過大眾化，所以一直被視為傳統乃至老土嘅英文名。邵家輝就讀小學三年級時，由於未有按老師要求自己揀番個英文名，結果老師就代佢揀咗Peter。

邵家輝話唔覺得Peter俗氣，認為揀英文名最重要係令人記得。Peter夠晒簡單易記，人人識讀，仲可拉近同新朋友嘅距離添！佢又話有阿姨曾經提議佢名為Conan，但佢覺得Conan應該配「大隻佬」造型，所以唔肯改名喎。