香港眾志秘書長黃之鋒參選立法會之心就路人皆知，佢上年就申請司法覆核，挑戰參選立法會嘅年齡限制，但法庭最終唔批出司法覆核許可而無緣參加上年嘅選舉。而九六年十月出生嘅佢終於喺今年夠廿一歲，最快更可以參加未來多場補選添，但尋日被判入獄六個月，根據《立法會條例》判監逾三個月嘅人士，喺判監五年內都唔能夠參選，黃之鋒再次想選都無得選喇！黃之鋒發夢都想參選同做立法會議員，真係這麼近、那麼遠囉！
