「鳥之將死，其鳴也哀。」漢奸黎連續幾個星期喺「爛果報」刊載「一個造孽者的道白」──吖，應該係「一個創業者的道白」至啱。尋日喺篇文裏面佢形容自己「無緣成為有效嘅leader或管理者」，總算有幾分自知之明。睇吓今時今日壹淫媒山窮水盡，垂死掙扎，就知漢奸黎呢個「管理者」幾咁廢柴。
姑且聽吓呢條契弟噏乜。佢話自己係一個「創作者」，同時亦係一個「孤獨者」；之後又懶感性咁話自己如何如何厭惡同人接觸，同人交往如何如何侷促不安，形容自己「不易相處」，係一個「孤獨的創作者佯充管理者」云云。
嗱，呢啲咪鬼拍後尾枕囉！漢奸黎郁吓就×記者老母個×，打佢工怕且都要帶埋令壽堂，絕對唔止「不易相處」咁簡單，但呢啲都唔係重點，重點係漢奸黎一個「創作者」走去辦報，新聞業淪為「新聞創作業」，隨口噏當秘笈，點會唔死得人多吖！
漢奸黎嘅「創作能力」有幾強，從一位打過佢工嘅專欄作家所述可見一斑。話說有次壹仔開腦震盪大會，財經編輯匯報某富豪集團業績報告大會，點知未開口講新聞重點，就畀漢奸黎粗暴喝止，話呢啲嘢冇人睇，封面就寫「XXX王國崩潰」。記者受人二分四，惟有本着「有條件要上，沒有條件創造條件也要上」嘅精神，絞盡腦汁，作都作畀老闆交差。講起嚟都幾諷刺，據聞當日負責封面嘅仁姐，就係前排哭訴漢奸黎將壹仔賣盤等於「賣員工落妓寨」嗰位老總，真係早知今日，何必當初。
講起淫媒生安白造、老作新聞嘅臭史，三日三夜都數唔完。當年「陳健康事件」，爛果報自導自演，出埋錢畀人召妓，大搞「有償新聞」，公然違反傳媒最基本操守，雖然漢奸黎認衰道歉收場，但天生淫賤難自棄，壹淫媒之後變本加厲，由捏造富商患癌，到誹謗抹黑上市公司，再到砌基層女雜工生豬肉，沒有最賤，只有更賤。上至富商巨賈，下至販夫走卒，畀佢搞到雞毛鴨血、清譽受損嘅，由旺角排到出沙頭角。
話時話，漢奸黎得罪人多，稱呼人少，同過街老鼠冇乜分別，點解到今日仲可以苟延殘喘，為禍人間？好簡單，朝裏有人好辦事，港府視外部勢力如蛇蠍，加上司法當局配合充當保護傘，漢奸黎自然有恃無恐。
不過漢奸黎嘅風光日子睇怕就快到頭，家陣美國佬自顧不暇，狗餅減量，漢奸黎唔想咁快做「契全弟」咯喎，不妨考慮「道白」一下賣國求榮、黑金亂港嘅心路歷程，應該有讀者捧場嘅！