政情：今日你上鏡：張炳良等巴士被野生捕獲

廣深港高鐵一地兩檢方案於政圈熱議，運輸及房屋局前局長張炳良離開咗政府，自然冇需要就具爭議嘅議題開腔，相反日前佢更喺大埔墟火車站被野生捕獲，喺度等緊接駁巴士返屋企，真係同普羅市民嘅日常生活無異。曾任香港教育大學前身香港教育學院校長嘅張炳良，被問及會唔會重操故業去教書時，佢就話依家未有打算，諗住放下假先，好似早前就同太太去咗釜山旅行幾日喎。