政情：黃偉綸冇得放假老婆單拖度假
炎炎夏日，唔少官場中人就想放大假同屋企人去旅行，但今年新政府啱啱上任，好多工作都未上手，都幾難有得放假！其中一個冇得放假嘅就係發展局局長黃偉綸（Michael）嘞！
赴美接返港補數
Michael都大吐苦水，話今年真係冇辦法放假，搞到太太一個人去美國度假。咁點算好？佢都諗到辦法補救，就係諗住喺周末前後攞番一兩日假，飛去美國接番太太返香港，當係有陪過太太去旅行喎。
淨係得嗰幾日假期要搭咁長途飛機一來一回，會唔會好辛苦呢？Michael就話「呢啲嘢冇辦法o架啦，辛苦啲都要嘅」。