中環出更：變葉建源顧問 姚松炎重返立會
社民連梁國雄、香港眾志羅冠聰、劉小麗及姚松炎等四人，早前被高等法院裁定宣誓無效，喪失立法會議員資格，佢哋唔能夠再以立法會議員身份到立法會工作。繼梁國雄以議員顧問身份重返立法會後，姚松炎接受立法會教育界議員葉建源邀請出任公共政策顧問一職，即又可繼續游走立法會。
據了解，姚松炎出任政策顧問一職並不受薪，而佢只係名義上以葉辦顧問嘅身份進出立法會，事實上佢亦會義務為其他非建制派議員提供政策顧問服務。
蔡冠深譴責鼓吹港獨言行
對於早前有學者指DQ四人組嘅宣誓案件與青年新政游蕙禎、梁頌恆有所不同，認為人大釋法嘅追溯力可能不符合法治所包括嘅「可遇見原則」，並指四人可向法庭申請，取消要求支付訟費嘅暫時法令。而四人當中，暫時亦只有姚松炎一人曾提出申請。
另外，香港中華總商會會長蔡冠深尋日喺中總周年會員大會致詞時指出，立法會宣誓風波同鼓吹「港獨」等言行，嚴重違反國家憲法同牴觸《基本法》，佢強烈譴責呢啲言行，中總支持全國人大常委會主動釋法嘅立場，相信釋法可以令到《基本法》嘅相關條文更清晰及有效落實執行，減少對社會嘅衝擊，令立法會同社會能盡快重回正軌。
卓妮