泛民議員早前杯葛參觀高鐵西九總站仲聲氣多多，一地兩檢關注組臨時聯絡人、立法會議員陳淑莊同成員張超雄尋日喺電台節目上繼續指一地兩檢係割地方案，陳淑莊指港鐵冇經立法會秘書處邀請議員，認為做法有問題，又批評參觀冇官員陪同出席，唔屬於官方正式參觀，期望日後當局邀請議員參觀時，要準備公開車站平面圖等，令討論更加聚焦。老實講，實地參觀點都比紙上談兵好得多，泛民自己放棄機會，依家咪只可以做塘邊鶴囉，怪得邊個？
