署理特首張建宗同民政事務局局長劉江華去到沙田圓洲角體育館出席全民運動日，並大跳毛巾操。劉江華極投入，全程「腳印印」，但佢條褲太低腰，一舉手就凸出肚腩，而沙田區議會主席何厚祥跳跳吓亦有露出肚腩。至於張建宗就是唯一一個着皮鞋出席的官員，未知係咪為推廣全民運動，教大家着皮鞋上班都可做運動呢？佢哋又參與彩虹傘律動遊戲，即係將個波放喺彩色嘅大布上，一齊「拉布」拋接嗰個波，見劉江華踎低起身好幾次，其後問佢有冇「見頭暈」，佢即刻答「冇，冇問題」。
