政府公布廣深港高鐵香港段西九總站一地兩檢安排之後，引起接二連三嘅司法覆核及反對聲音。政務司司長張建宗、運輸及房屋局局長陳帆尋日出席活動時，為撐高鐵，不約而同拉埋地鐵、西鐵等唔同嘅鐵路系統落水。張建宗話，當年興建地鐵時亦有好多人反對，但現時香港若冇地鐵會不可思議。陳帆就話，當年西鐵亦被指是大白象工程，惟現時載客量已達百分百。其實當年有人反對地鐵及西鐵嘅原因，同現時反對高鐵一地兩檢根本係兩回事，政府呢招都係想轉移焦點啫！
