近年好多人都鍾意跑馬拉松，正生書院校長陳兆焯亦然，早前佢就喺社交網站Facebook上載咗一批相片，係佢於外國跑馬拉松時拍嘅，其中喺三藩市跑馬拉松時佢仲着住蜘蛛俠嘅衫添！佢話從來冇諗過跑馬拉松跑到去雅典、韓國DMZ、香港、三藩市，又指自己五十五歲先開始跑，所以叫各路朋友唔好話自己太老、太重、太悶、腳痛或醫生說唔好跑，叫大家搵自己嘅速度去跑喎。話時話，點樣搵番自己嘅速度去跑呢？陳校長着住件蜘蛛衫去跑，係咪覺蜘蛛咁多爪，會跑得快啲呢？
（互聯網）
