政情：公民講場：戴耀廷講和諧 單就要市民埋

法庭頒令要DQ四人組畀埋政府嘅訟費，其中梁國雄表明或要申請破產。佔中發起人之一嘅戴耀廷尋日喺Facebook發文，對現屆政府提出五項要求，包括要求政府承諾唔會向四人追討訟費，以顯示誠意修補關係。新政府講求和諧，戴耀廷咁講擺明係食住上，然而佢搞佔領行動令到社會撕裂，正正就係佢破壞社會和諧，早前仲反口唔認罪，搞眾籌要市民幫佢找數，食髓知味，又出口術幫DQ四人組逃避法律責任，又係要市民幫佢哋埋單，簡直可恥。