政情：升中後同學失聯 羅致光籲珍惜友誼

只搵得番八個

早前升中放榜，羅致光尋日擺咗一張佢讀小學六年級A班嘅畢業相喺網誌，話現代科技發展，令大家仍可以透過手機，包括用短訊或其他平台互通資訊，但係小學畢業嘅時候，電話尚未普及，升中之後好快就同多名小學同學失去聯絡，至今喺五十個同班同學中只係搵番八個，所以佢奉勸升中嘅同學，要珍惜童年時代嘅友誼，事關失去咗就難以再搵番嘞！

小六同學未「齊腳」，佢就借題發揮，話自己上任後忙於約晤勞工界同商界，不時都要婉拒一啲活動嘅邀請，而下一輪「放榜」就係副局長同政治助理嘅人選，佢亦希望早日「齊腳」，可以分擔工作喎。