過來人助SEN學生「扭出專注」

【記者楊嘉莉報道】熊耳結、單泡結、環結……廿二歲扭氣球導師涂家俊說出一個個扭氣球的術語,循循善誘教導一班有特殊教育需要(英文簡稱SEN)的學生,而他小時候亦被確診讀寫障礙和專注力不足,中學時參加課外活動扭氣球學會專注的重要性,長大後將專注化為終身職業。

聖公會諸聖中學的課室「唧唧」聲不斷,涂家俊正教導兩位SEN學生扭氣球,仔細講解步驟:「要整長啲,唔係好難『掹』;翹多一圈啦……」,眾人手中的氣球漸漸成了公主的模樣。

樂見徒弟半年內進步神速

眼前專注力十足的家俊,小學時被判斷專注力不足:「老師話我成日坐唔定、寫字又反轉晒啲部首,睇醫生話我有讀寫障礙同專注力不足」,透過扭氣球意外找到值得專注的事物。

曾修讀酒店管理,家俊兩年前起決定潛心教扭氣球。他坦言,在SEN學生身上看到自己的影子:「第一堂扭極都扭唔到,一掂(波)就爆,淨係識得講『嘩,乜啲波咁易爆』;聽完都唔明,要人講多幾次。」教SEN學生只要「講多幾次」,學生短短半年已進步神速,看一次示範便能「自動波」完成作品,全因他懂得打破師友之間的隔膜。

女生專心聽 留意氣球造型

中三學生黃秋儀向家俊「學師」半年,笑指「阿Sir都唔似阿Sir」。家俊雖要求學生叫他阿Sir,但把學生當作朋友,明白太嚴肅學生不會聽。在輕鬆的氣氛下,秋儀「扭」出一份留心,「盡量聽多啲,又要留意(氣球)有冇一邊大一邊細,好影響造型o架!」

家俊和秋儀去年參與香港中華基督教青年會(YMCA)轄下社會企業YM Balloon舉辦第一期的「快樂『球學』計劃」,由導師和義工以每班八人,教授三百二十位來自四十間學校的SEN學生扭氣球,今年十月將展開第二期計劃。

第一手消息請下載on.cc東網iPhone/iPad/Android/Windows Phone Apps