政情：鄭泳舜約陳恒鑌老來作伴

唔少人都話生女等於將來多個仔，相反生仔就會少個仔，深水埗區議員鄭泳舜（Vincent）亦都深明呢個道理，仲已經預示到將來孤伶伶，話要約定立法會議員陳恒鑌（Ben），搞乜咁灰呀？

阿Ben就話已經同太太做定心理準備，指將來只得佢哋兩個相依為命，因為仔女大咗唔黐家。但Vincent聽到就好大反應，話女仔先會照顧屋企，所以生咗三個仔嘅佢先慘囉！

Vincent其後仲大爆金句，稱「生女上酒樓，生仔榕樹頭」，所以咪話已經預咗將來要去榕樹頭，阿Ben聽到就即刻應約，話預埋佢嗰份，兩位阿伯一齊去喎。不過，阿Ben有仔又有女湊夠個好字，應該唔使去榕樹頭喎，唔好口輕輕亂應承人先得o架！