政情:曹宏威做隨從 陪老婆去音樂會

早前喺一個音樂會上見到生物化學界權威、香港科普協會創會會長曹宏威,唔通一向醉心數理嘅曹宏威,都係音樂愛好者?佢就話對音樂毫無天分,所以完全冇興趣睇音樂會,當日只係充當隨從,陪同鍾情音樂嘅太太曹王敏賢去欣賞音樂會喎。

大讚太太音樂造詣高

曹宏威自言依家仍然忙於推廣數獨咁話。不過佢大讚太太音樂造詣高,擅長玩多種樂器,一輪嘴係咁讚老婆,搞到身旁嘅曹太都有啲怕醜添!曹太謙稱自己只係玩開鋼琴,而四歲嘅孫女就遺傳到佢嘅音樂天分,早前參加亞洲鋼琴大賽獲得好成績。唔知曹太得閒時會否同孫女玩吓合奏呢?

第一手消息請下載on.cc東網iPhone/iPad/Android/Windows Phone Apps