政情：公民講場：66歲張建宗搞青年事務

新政府打算加強青年工作，政務司司長張建宗話要將青年事務委員會升格為「青年政策委員會」，佢仲打算做埋主席，話希望可以幫青年人發展。現任青年事務委員會主席劉鳴煒隨即喺Facebook話覺得「炒自己絕對值得」，仲話就快失業，要整理吓個履歷表添！之不過，以前青年事務委員會曾被炮轟啲委員年紀大，代表唔到青年人嘅聲音，於是換咗啲較年輕嘅人入去。但張建宗家陣都成六十六歲，仲搞青年事務兼做埋主席，除咗無乜說服力之外，咪又係行番回頭路。