政情：八網難逃：馮檢基 范國威被嘲坐「補選關愛座」

青年新政游蕙禎同梁頌恆因宣誓辱華而被取消立法會議員資格，雖然政府仍未公布九龍西同新界東幾時補選，但民協嘅立法會前議員馮檢基已經率先宣布要「永續參選」，引起黨內外人不滿。日前民協喺Facebook（Fb）就自爆，港島多處地方都發現一張嘲笑馮檢基同新同盟前議員范國威嘅橫額，橫額上鬧兩人係坐補選議席關愛座，估計係鬧佢哋恃老賣老，霸住黨內出選機會。民協喺Fb反駁，話發表言論意見嘅人無留下尊姓大名，但對於霸位出選就未有回應；至於范國威就大鬧係抹黑。