中環出更:曾蔭權不獲邀出席所有七一活動

前特首曾蔭權爵士今年二月被裁定一項公職人員行為失當罪成,被判囚二十個月,曾蔭權早前就此提出上訴並獲准保釋。不過,曾蔭權於香港可以自由行動,唔代表乜活動都可以參加,據報曾蔭權未獲邀出席今年香港回歸二十周年嘅所有官方活動。

特首辦不作評論

換言之,曾蔭權身為前特首呢幾日都無望出席官方場合,包括中央領導人明日下午會見各界人士、港府同日晚上歡迎晚宴,以及七一升旗禮及新一屆政府主要官員就職典禮。

對於曾蔭權未獲邀出席所有七一官方活動,特首辦回覆指,唔評論個別人士係咪獲邀出席個別活動,政府就個別慶祝活動擬備嘉賓名單時會考慮活動性質、場地安排及嘉賓組合等不同因素。究竟今次曾蔭權無緣出席官方活動,原因係有關方面怕出現尷尬場面,寧可從嚴從緊處理,定係另有考慮因素,呢個相信只有官方,及曾蔭權本人最清楚嘞!

卓妮

第一手消息請下載on.cc東網iPhone/iPad/Android/Windows Phone Apps