政情：張學明眼疾 欲退出行會

否認與鄉議局聲音有關

張學明喺會議上多次除下眼鏡，主持會議時亦試過望唔到有執委舉手發言而致歉，而喺會議結束離開主席台時，仲差啲跌倒。

被問到對續任行會成員嘅意願時，佢話因私人理由而打算喺行會中退落嚟，佢亦有向候任特首林鄭月娥交換相關意見，但佢否認係因鄉議局內部聲音而作出相關決定，亦認自己眼部有問題，但因私隱為由拒絕透露有乜嘢毛病。

佢又話行會中多年嚟都有鄉議局代表在內，個人期望新政府會委任鄉議局代表進入行會，以充分表達新界嘅意見。被問到會唔會由鄉議局主席劉業強接任行會職務，佢強調未知邊個入行會，仲叫大家等待宣布，但又稱讚劉業強經驗足夠。