政情：鄭泳舜 獲薦出戰補選 未必叫胡杏兒拉票
政府仍未公布青年新政游蕙禎同梁頌恆，分別所屬嘅立法會九龍西同新界東議席出缺嘅補選安排，但深水埗區議員鄭泳舜（Vincent）早前已勝出民建聯（民記）嘅黨內遴選，獲推薦出戰九西補選。該黨近日亦開始密密為Vincent谷人氣，例如黨內刊物亦以Vincent為封面人物。Vincent係藝人胡杏兒嘅姐夫，未知會唔會搵杏兒幫手助選，催谷人氣呢？
體恤姨仔需安胎
Vincent話依家係積極考慮參選，所以未同杏兒討論呢個問題，但對方一直相當支持佢，一家人亦好團結，但佢亦就考慮到杏兒依家陀緊BB，最重要係安好胎，其他事都係「後話」喇！