中環出更：立會設宴餞別特首 泛民齊杯葛

午宴一共有三十七名議員報名，議員梁國雄為唯一一名泛民議員報名參加，相信報名只為到場示威抗議。不過佢尋日為涉嫌收取壹傳媒黎智英捐款案上庭，所以就無法前往午宴喇！

另外，尋日亦都係食物及衞生局局長高永文六十歲生日，議員蔣麗芸特登送上生日蛋糕，據知一眾議員有為其大唱生日歌慶祝。不過，高永文日前就表明唔會過渡至下屆政府，呢個生日蛋糕都算係佢嘅散水餅囉！

張建宗席間忙公事

至於曾自爆九年冇放假嘅政務司司長張建宗，聽聞尋日喺午宴期間不忘工作，把握每道餸之間嘅時間做筆記，搞到席間有議員忍唔住口取笑，指訂立標準工時唔可以用張建宗為標準。而張建宗就回應話，要為人着想，所以唔好用佢做榜樣喎！

卓妮