政府尋日宣布再度委任馮驊法官為選舉管理委員會主席，任期直至二二年八月十六日為止。換言之，佢要繼續負責主理喺一九年舉行嘅區議會換屆選舉、二○年舉行嘅立法會換屆選舉，同埋喺二二年初舉行嘅第六屆行政長官選舉。點只咁少吖，例如因青年新政游蕙禎同梁頌恆被取消議員資格嘅立法會九龍西同新界東補選，仲有幾名議員宣誓嘅官司仲打緊，可能仲有幾個補選，兼且日前政府又拋出研究地方選區選票設計簡化嘅方案，當中刪頭像同團體資料等都有好大爭議，呢啲爛攤子有排佢執呀！
