假難民亂港多時，政府終於肯正視問題作補救措施，成功將新聲請個案減少一半。雖然補救措施漸見成效，但其實仲有改進空間。旅遊界立法會議員姚思榮尋日出席立法會保安事務委員會時就話，「印度國民預辦入境登記」喺一月實施後，印度來港人士就減少咗兩成三，而印度人作網上申請時，更出現「小朋友批，父母唔批」、「員工批，老闆唔批」情況添！睇嚟負責審批嘅部門要畀啲心機，唔好連良民都擋在門外喇！
