政情：「校友」社團最多人註冊 吳永嘉冀關注規管

保安局最新數字顯示，香港共有三萬九千一百四十六個根據《社團條例》已獲註冊或豁免註冊嘅社團，當局回應立法會議員吳永嘉嘅書面質詢時披露，原來當中有最多一千一百八十一個社團嘅中文名稱，係有「校友」字眼，其次係「同鄉」及「商會」字眼，分別有三百零五及二百八十五個，另包含「旅港」及「宗親」字眼則各有一百零二個。點解對以上課題咁有興趣呢？吳永嘉話，自己提出有關問題係因為有人發現，有社團提交註冊申請時疑虛報地址，或更改地址之後冇通知，佢又懷疑由於社團毋須接受審計，有人利用呢個漏稅買車買樓。