立法會工務小組委員會尋日審議民政事務局就建造啟德體育園申請近三百一十九億元撥款，當中包括為數一億八千萬元補償三間落標公司。民政事務局常任秘書長馮程淑儀就解釋話，由於體育園佔地大，招標涉設計、建造及營運，複雜性高，投標者承擔的財務風險亦好高，所以需提供誘因，吸引有質素、有能力的投標者。不過，多名議員就直斥「冇聽過咁送錢」，形容誘因猶如「肥豬肉」。其實有邊樣投資係冇風險嘅呢？原來係有嘅，政府工程囉！
