政情：今日你上鏡：梁栢賢倫敦剪短髮有段古

醫院管理局行政總裁梁栢賢（PY），唔喺香港剪頭髮，專登喺倫敦剪髮，點知就出事嘞！

點解要喺倫敦剪頭髮？事關PY最近放假去咗倫敦，佢尋日喺社交網站facebook（fb）上載咗張倫敦街頭照，仲貼文話喺嗰度剪咗個好短嘅頭髮。睇落去確係比平日喺香港時短啲嘅。

原來呢頭短髮背後係有故事o架！話說佢喺剪頭髮嘅時候，同時講緊電話，因為對方實在太長氣，於是佢講咗句「cut it short 」，點知理髮師聽到以為佢想剪到好短，結果就變咗咁囉！

既然搞錯咗，都冇辦法喇，雖則係短咗啲，但佢亦自我安慰，話咁就可以慳番啲錢，好耐唔使再剪頭髮。都算錯有錯着喇！