政情：梁美芬媽媽畀木頭車撞傷入院

只係皮外傷 好彩冇毀容

吓！發生乜嘢事？梁美芬媽媽近日遇上無妄之災，佢話媽媽上星期喺沙田一個商場內行街期間，突然有架載滿貨嘅木頭車從後而上，由於啲貨載到太滿，控制車嘅人根本睇唔到前面，結果架車直接撞向梁媽媽，將佢拋前十幾呎。

梁美芬話當時媽媽被撞到後腦腫晒，手腳亦擦損咗，搞到入院接受咗治療四日，但慶幸梁媽媽只係皮外傷，冇傷及臉部，尋日已經康復出院，仲同阿女飲茶兼合照。佢話媽媽好貪靚，如果撞到塊面就大件事，佢又指商場人頭湧湧，商場方面應禁止呢啲木頭車出入商場，以免再有市民受傷。