政府耗資逾八十二億元興建嘅啟德郵輪碼頭，本來係可以為香港帶嚟更大經濟效益，點知審計署尋日發表嘅報告，羅列咗碼頭嘅船隻停泊次數、旅客人均消費、交通配套，以致營運同服務等存在嘅問題，令到收益遠遜預期，仲直指負責監察碼頭承辦商嘅旅遊事務署監管不力添！明明可以賺多啲，點知個碼頭竟然變咗拍烏蠅，下屬做得唔好，咁作為上司嘅商務及經濟發展局局長蘇錦樑（Greg蘇）梗係要孭鑊喇！
