政情：陸頌雄網購布鞋玩復古
潮流興復古，但不少舊款衫褲鞋襪都很難喺市面上搵到。立法會議員陸頌雄早前就以恤衫西褲配襯一對復刻版嘅上海布鞋示人，唔知佢係想喺立法會掀起復古潮流，抑或着布鞋扮基層，顯得貼地啲？
分享買衫退貨經驗
陸頌雄話，最近聽聞依家潮流興着上海復刻版布鞋，所以專登用八十蚊網購咗呢對布鞋，結果着起嚟都好舒服。好多人擔心上網買嘢會唔啱尺寸，陸頌雄就話網購都有得換貨，之前佢都有上網買衫，要退貨都唔太困難。不過今次呢對布鞋又真係唔係咁啱，佢話若果細半個碼就會更好，不過都費事換喇！
咪以為佢樣樣嘢都係網購返嚟，當日除咗對鞋之外，身上其他嘢都係去實體店買嘅。佢又笑稱着布鞋唔係想扮勞工階層，因為工人都唔會着白鞋喎！