政情:林淳軒fb突揭童年患血癌

現年二十三歲嘅香港眾志常委林淳軒,多年來參加社運,原來佢選擇參與政治同過去患病嘅經歷有關。佢尋日喺facebook發文,指自己喺十年前確診患上血癌,患病嘅經歷令佢明白人生無常,決心選擇一條更有意義、風景更精彩嘅路徑。

林淳軒透露,自己十年前嘅尋日喺家中吐血,送院後確診患上白血病,即血癌,並要立即入院治療。佢喺治療時被剃光頭,又經歷過一大段不能進食嘅日子,化療時又會發冷發熱,幸好平安地完成療程。

患病嘅經歷令佢明白人生無常,決定盡力避免犯錯、避免遺憾,因此佢決心選擇一條更有意義,風景更精彩嘅路徑,仲話既然最初選擇咗一個有意義又充滿挑戰性嘅人生,就要堂堂正正走下去。

第一手消息請下載on.cc東網iPhone/iPad/Android/Windows Phone Apps