選舉事務處早前失去兩部手提電腦，引發逾三百八十萬名選民資料恐外洩風波，該處尋日喺立法會政制事務委員會交代事件時話，擺放電腦嘅儲物室上咗鎖。既然鎖咗門，點解會被偷走呢？政制及內地事務局局長譚志源形容係「密室失竊」，又話會檢討成因同過程。依家講乜都冇用，私隱署已就事件展開調查，有議員更揚言要用特權法成立調查委員會去調查，擺明係要追殺譚志源喇，睇嚟佢都好難甩身嘞！
