政情：八網難逃：冇鬚陳岳鵬激罕照曝光
臉上嘅鬍鬚係政制及內地事務局副局長陳岳鵬（Ronald）嘅標記，但冇鬚嘅Ronald相信都冇人認得，何況係佢小學雞嘅年代。
尋日係兒童節，Ronald都好應節，佢嘅小學同學喺佢嘅facebook上載咗一幅佢哋就讀小學六年級嘅照片，唔知大家認唔認得出邊個係Ronald呢？老實講，如果Ronald剃咗鬚，一時間都未必認得出，小學雞嘅佢當然冇鬚喇，仲要咁細個，睇怕除咗佢同班小學同學之外，都冇人認得出。
小學雞留影 招牌露齒笑
呢幅題為「那些年的6H」嘅合照，上載者話係「集精靈活潑、活力十足、搗蛋頑皮又勤奮好學於一身嘅6H班同學」。Ronald就讀何文田嘅陳瑞祺（喇沙）小學，當年曾參加過童軍，係課外活動嘅活躍分子。要喺相中認出Ronald？嗱！就係小學雞嘅佢已經有招牌露齒嘅笑容，同依家有啲唔同嘅佢細個有戴眼鏡嘅。畀咗咁多貼士仲搵唔到邊個係Ronald？