中央政府一直積極研究「粵港澳大灣區城市群發展計劃」，但特區政府官員對於發展大灣區反應冷淡，過去都鮮有回應。財經事務及庫務局局長陳家強尋日終於補鑊，但只係化身鍵盤戰士喺網誌話要強化大灣區喺金融服務互聯互通，又話長遠要建立廣泛應用嘅區域性平台。紙上談兵容易，真係落手落腳做就困難，唔知陳家強今次會唔會都係口噏噏，講咗當做咗呢？
