探射燈：難覓練習場地 趕絕Band友
「夾Band場地限制多多，真係唔知去邊好。」近年本港地下樂隊湧現，令Band房需求急增，不少Band友大呻，為尋找合適的夾Band練習場地而苦惱。夾Band發燒友Jacky嘆道，工廈單位面積雖然較大，但不少是違契出租，安全欠缺保障；而商廈所提供的Band房，一般只有數十平方呎，較難容納大型樂隊練習；至於康文署轄下的音樂練習室，則需要自攜樂器，十分不便。
租金四年間飆一倍
至於另一名Band友Andy也表示，近年租用Band房的價格，不停飆升，實難以負擔，「喺四年前，租用觀塘一個五百平方呎嘅單位夾Band自娛，只需要六千蚊，但去到今年初，已經要一萬二千蚊。喺去年，想將租嘅房間一開二，但要符合消防要求，需要花一萬四千蚊去安裝兩個『花灑頭』，費用真係好貴，好難負擔！香港地夾Band，真係唔容易！」