掛住煲電話 婦懶理囡囡車廂爬
【專案組報道】網上近日熱傳一條短片，片中媽媽任由囡囡在港鐵車廂內爬行，自己則專心講電話，即使列車抵達月台車門打開，媽媽仍無動於衷，乘客擔心該名小童若然爬出車外，而其母親未有發現，隨時釀成意外。
短片於港鐵一車廂內拍攝，當時一名約四至五歲大的小女童，赤腳在近車門的走廊地上，圍着扶手杆不斷轉動及爬行，其母親則坐在車門旁的位置專心講電話，間中才望向囡囡，對於囡囡亂爬亂轉，她都未有理會，繼續講電話。之後列車到達車站，女童仍在地上爬行，幸沒有爬出車外，進入車廂的乘客要避開該小童，短片到此完結。
網民罵爆未教導子女
網友睇片後指該母親未有好好教導子女，「小朋友無辜，要鬧就鬧個衰老母掛住講電話，唔理個小朋友。」亦有網友懷疑是騙子：「啲人入車廂睇佢唔到踩親小童，個阿媽就會叫：『賠錢！』」